Алматы әкімі Дархан Сатыбалды қала мен облыстағы 4 миллионға жуық тұтынушыны электр энергиясымен қамтамасыз етіп отырған ең ірі энерготаратушы кәсіпорын – «Алатау Жарық Компаниясы» АҚ-да болды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Сапар барысында әкім өндірістік нысандарды, жөндеу цехын, диагностикалық қызметті және апаттық жағдайларға арналған арнайы техниканы аралап көрді. Соңғы жылдардағы инвестициялық бағдарламаның жүзеге асырылуы талқыланды: 344 шақырым кабель желісі салынды 129 трансформаторлық қосалқы бекет жаңғыртылды 20 шақырым әуе желісі жаңартылды. Жаңа энергия нысандары іске қосылды 2025 жылға жоспарланған жұмыстар: 115 шақырым кабель желісін салу 21 қосалқы бекетті жаңғырту. Ескірген 15 трансформаторлық пунктті ауыстыру, - делінген хабарда.
Кездесу қорытындысында әкім мынадай тапсырмалар берді:
Кабель желілері мен қосалқы бекеттерді жаңғыртуды жеделдету,
Күзгі-қысқы маусымға дайындықты күшейту,
Желі басқару ісіне цифрлық технологияларды енгізу,
Төтенше жағдай кезінде халықты дер кезінде ақпараттандыруды қамтамасыз ету.