Алматы әкімі «Нұркент» ТҮК-дегі су және жарық мәселесін шешуді тапсырды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жұмыс сапары аясында Алматы әкімі Дархан Сатыбалды Алатау ауданындағы «Нұркент» тұрғын үй кешенінің тұрғындарымен кездесті. Қала тұрғындары ауызсу мен электр қуатының тапшылығын, сондай-ақ балабақша мен мектепте орын жетіспеушілігі жайын айтты.Су мәселесі:Жазда «Қалқаман» сорғы бекетінің шамадан тыс жүктелуі себепті ауызсу беру жиі тоқтап қалады. Түйткілді тарқату шешу үшін көршілес сорғы бекетіне күрделі жөндеу жүргізіледі. Жөндеу жұмыстары 25 қыркүйекке дейін аяқталып, нысан «Алматы Су» ШЖҚ-на беріледі. Жарық мәселесі:Жеті трансформаторлық қосалқы станса әлі күнге дейін «АЖК» АҚ балансына берілмеген. Бұл жарық беру тұрақсыздығына әкеліп отыр. Әкім қосалқы стансаларды шұғыл қабылдап, электр энергиясын тұрақтандыруды тапсырды. Қосымша шаралар: Заңсыз автотұрақ орналасқан жер телімі мемлекет меншігіне алынып, оның орнына балабақша салынады; Аудан әкімдігіне аулаларды абаттандыру және санитарлық бақылауды күшейту жүктелді.«Бүгін сіздер айтқан барлық мәселе хаттамаға енгізілді. Орындауын жіті бақылауыма аламын», – деді Алматы әкімі.
