Оқиға Омбы – Майқапшағай автожолында болған. Мотоциклмен келген ер адам жол бойындағы аркалы құрылымға жақындап, оған орнатылған алты камераның корпусын қасақана зақымдаған, деп хабарлайды kazlenta.kz тілшісі Polisia.kz сайтына сілтеме жасап.
Күдіктінің әрекеті бейнебақылау камераларына түсіп қалған. Алайда зақым келтірілгеніне қарамастан, жол қозғалысы ережелерін бұзуды тіркейтін құрылғылар штаттық режимде жұмысын жалғастырған. Полиция қызметкерлері жедел жүргізілген іс-шаралар нәтижесінде күдіктінің жеке басын анықтады. Ол жақын маңдағы елдімекендердің бірінің 31 жастағы тұрғыны болып шықты. ВИДЕО Аталған дерек бойынша қылмыстық іс қозғалды.
Күдікті ұсталып, уақытша ұстау изоляторына қамалды. Қазіргі уақытта тергеу әрекеттері жүргізілуде. Келтірілген материалдық залалдың мөлшері анықталды. Полиция бөтеннің мүлкін қасақана бүлдіру заңда көзделген жауапкершілікке әкеп соғатынын ескертеді. Мұндай құқыққа қайшы әрекеттер заң аясында тиісті бағасын алады.