Ru  Kz
Барлық жаңалықтар

Сыртқы істер министрлігінде Орталық Азиядағы бейбітшілік пен қауіпсіздікті нығайту бойынша БҰҰ-мен ынтымақтастық перспективалары талқыланды

Сыртқы істер министрлігінде Орталық Азиядағы бейбітшілік пен қауіпсіздікті нығайту бойынша БҰҰ-мен ынтымақтастық перспективалары талқыланды
Фото: ҚР СІМ баспасөз қызметі

Қазақстан Республикасы Сыртқы істер министрінің бірінші орынбасары Ержан Ашықбаев БҰҰ Бас хатшысының Арнайы өкілі, БҰҰ-ның Орталық Азия үшін превентивті дипломатия жөніндегі өңірлік орталығының (БҰҰ ОАПДӨО) басшысы Каха Имнадземен кездесті, деп хабарлайды kazlenta.kz тілшісі СІМ баспасөз қызметіне сілтеме жасап.

Кездесу барысында өңірлік күн тәртібінің негізгі мәселелері және Қазақстанның БҰҰ-мен превентивті дипломатия, қауіпсіздік және орнықты даму салаларындағы одан әрі ынтымақтастық перспективалары талқыланды.

Тараптар Орталық Азиядағы мемлекетаралық қатынастардың оң даму серпінін қарастырды. Е.Ашықбаев саяси диалогтың тереңдеуі, өзара сенімнің нығаюы және өңірлік ынтымақтастық форматтарының кеңеюі ортақ сын-қатерлерді бірлесіп шешуге қолайлы жағдай қалыптастыратынын атап өтті.

Әңгімелесу барысында ядролық қарусыздану және таратпау мәселелеріне ерекше назар аударылды. Биыл Семей ядролық сынақ полигонының жабылғанына 35 жыл және Орталық Азияда ядролық қарудан азат аймақ құру туралы шартқа қол қойылғанына 20 жыл толуына орай өңірдің жаһандық ядролық қаруды таратпау режимін нығайтуға қосқан елеулі үлесі атап өтілді.

Су дипломатиясы мәселелері, атап айтқанда, Қазақстанның БҰҰ құрылымында Халықаралық су ұйымын құру және Арал теңізі, Әмудария мен Сырдария өзендерінің халықаралық күнін белгілеу жөніндегі бастамаларын ілгерілету мәселелері жан-жақты талқыланды.

Сұхбаттастар БҰҰ-ны реформалау және оның қазіргі жаһандық сын-қатерлерге бейімделу мәселелерін де қозғады.

«БҰҰ-80» бастамасын іске асыру аясында БҰҰ ОАПДӨО мен Алматы қаласындағы БҰҰ-ның Орталық Азия және Ауғанстан үшін Орнықты даму мақсаттары жөніндегі өңірлік орталығы арасында тығыз өзара іс-қимыл орнатудың маңыздылығы атап өтілді.

Кездесу соңында тараптар Орталық Азияда ұзақ мерзімді бейбітшілікті, тұрақтылықты және орнықты дамуды қамтамасыз ету мүддесінде ынтымақтастықты одан әрі нығайтуға мүдделі екендерін растады.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
«Заманауи, таза әрі жанға жайлы»: Валерий Меладзе Астана өзін қалай баурап алғанын айтты
Алматыда бірқатар білім және мәдениет саласының үздік қызметкерлері мемлекеттік наградалармен марапатталды
Аида Балаева мәдениет және медиа саласының қызметкерлеріне мемлекеттік наградалар табыстады
Димаш Құдайбергеннің жаңа әні ең көп тыңдалған топ-100 әннің қатарына енді
Актер Шәріп Серік қызды ұрды деп айыпталғаннан кейін мәлімдеме жасады
Мультимедиа
Алматы облысы Республика күнін кең көлемде атап өтті
Қазақстан Президенті Бельгиялықтар Королімен және Патшайымымен бірге Ұлттық музейге барды
Алматыда бір күнде 1,2 мыңнан астам ағаш егілді
Алматының Түрксіб ауданындағы «Жұлдыз» шағынауданында аулалар жаңартылды
Шымкентте Тіленшин көшесіндегі жаңа автокөлік өткелі ашылды