Алматы мемлекеттік технологиялар және флористика колледжінде ерекше білім беру қажеттілігі бар студенттерге арналған арнайы корпус ашылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
«Алтын Сапа ALM» ЖШС жеке инвесторының ақшасына 900 млн теңгеден астам сомаға салынған. Жаңа ғимаратта инклюзивті оқыту үшін барлық жағдай жасалған: кең аудиториялар мен шеберханалар, акт және жаттығу залдары, арнайы жуынатын бөлмелер, көтергіштер және ыңғайлы киім ауыстыратын бөлмелер. Осының арқасында ерекше қажеттілігі бар барлық 195 студент үшін білім алу қолжетімді әрі ыңғайлы болады.Оқу кабинеттері жаңа технология бойынша салынған. Бұл есту қабілеті шектеулі студенттерге еңбек нарығында сұранысқа ие мамандықтарды алуға мүмкіндік береді. Колледжде жиһаз, тігін өндірісі, аяқ киім ісі, автомобиль жөндеу слесары, компьютерлік аппараттық оператор, гүл өсіруші-флорист мамандығы бойынша оқытылады.18-05-2024, 13:34
Алматыда ерекше қажеттілігі бар студенттерге арналған жаңа ғимарат ашылды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз