Наурызбай ауданындағы Қалқаман шағынауданында №22, 23, 24 және 25 тұрғын үйлердің ауласын көркейту жұмыстары аяқталды. Жаңартылған аумақ 208 пәтердің тұрғындарына ортақ, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Балаларға арналған төрт ойын кешені, спортпен шұғылдануға арналған 11 көше тренажері орнатылды. Сонымен қатар сегіз шағын сәулет нысаны орналастырылып, қауіпсіз тартан жабыны төселді.
Аумақ қоршалып, 10 түп туя отырғызылды, көгал егілді. Жасыл желекті суару үшін автоматты жүйе орнатылды.
Жұмыс Наурызбай ауданы әкімі аппаратының тапсырысы бойынша 2026 жылға арналған аулаларды ағымдағы жөндеу бағдарламасы аясында жүргізілді.