Алматы әкімі Дархан Сатыбалды мегаполистің мәдени инфрақұрылымын дамытуға қатысты маңызды жобаларды аралап көрді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала басшысы «Алатау» дәстүрлі өнер театрына барды. Бұл халықтың музыкалық мұрасын, қазақ руханиятын және фольклорын насихаттауға маманданған елдегі бірегей мәдени нысан.Мұнда қасбет, көрермен залы мен сахна жаңартылып, артистер мен көрермендер үшін жайлы жағдай жасалады. Alatau Creative Hub кітапханасына баса назар аударылды. Бұл ауданның мәдени және білім беру орталығы.Мұнда 25 тегін үйірме, мультимедиялық студия мен IT-зертхана жұмыс істейді. Кітапхана тәулік бойы қызмет көрсетіп, жыл сайын 430 мыңнан астам оқырман қабылдайды. Арнайы қажеттілігі бар жандарға да жағдай жасалған.
«Біздің міндетіміз тарихи нысандарды сақтап, тұрғындар мен жастарға арналған заманауи мәдени кеңістіктерді қалыптастыру», – деді Дархан Сатыбалды.
