«Алатау» дәстүрлі өнер театры биыл әлемдегі ең беделді байқаудың бірі – Чехов фестиваліне қатысады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Труппа саундрама жанрындағы «Mamluk. Сұлтан Бейбарыс» спектаклін сахналайды. Театр директоры Мақсат Нұралиев қазақ театр өнерін осындай маңызды іс-шарада көрсету үлкен жетістік екенін атап өтті.Сонымен қатар, театрға Франциядағы Авиньон фестиваліне «Алтыбақан» премьерасымен қатысу ұсынылуы мүмкін.Алматы әкімдігінің қолдауымен «Алатау» театры халықаралық байланыстарды белсенді дамытып келеді: 2024 жылы артистер Қытайда өнер көрсетіп, шетелдегі жетекші мәдени орталықтарда білім алған.Биыл театр бірнеше жаңа премьера дайындап жатыр, соның ішінде Нұрғиса Тілендиевтің 100 жылдығына және Абай Құнанбайұлының 180 жылдығына арналған музыкалық драмалар бар.11-02-2025, 12:30
«Алатау» театры Чехов фестиваліне барады
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз