Кеше Алматы әкімі Дархан Сатыбалды Медеу ауданында жұмыс сапарымен болып, бірқатар мәселелерді қарады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Кейбір тұрғын үй кешендерінде инженерлік желілер әлі қала балансына берілмегені белгілі болды. Соның салдарынан жарық пен судың жиі өшіп қалуы сияқты қолайсыздықтар туындауда.«Ривер Парк» тұрғын үй кешенінде электр және су желілері әлі де мердігер компания қарамағында. Әкімнің тапсырмасы бойынша:- бір апта ішінде жылу жүйесіне қатысты құжаттар рәсімделуі тиіс;- су және электр желілері қыркүйектің соңына дейін қала балансына қабылдануы қажет.«Восточка KZ» тұрғын үй кешенінде де осындай жағдай. Тұрғындар 2019 жылдан бері апаттық қызметтерден көмек ала алмай келеді, себебі желілер қала балансына өткізілмеген.Кездесу қорытындысында «Алматы Су» магистральдық желілерді өз балансына қабылдайды, ал аулаішілік желілерді басқарушы компания қарайды. Құжаттарды рәсімдеудің соңғы мерзімі – қыркүйек айының соңы.