Дархан Сатыбалды пойыздардың қозғалысын, техникалық қызметтердің жұмысы мен автоматика жүйелерін қадағалап отырған операторлардың жұмысымен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Депода қала басшысына жылжымалы құрамды пайдалану мен жөндеу жұмыстары көрсетілді.«Метрополитен» КМК директоры Алмасбек Орынбеков келер жылы жұмыс істеп тұрған 11 бекетте косметикалық жөндеу жүргізіліп, жолаушылар қауіпсіздігін арттыру мақсатында платформалық жылжымалы есіктер орнатылатынын баяндады.Бүгінде Алматы метросының ұзындығы 13,4 шақырым. Қазір «Қалқаман» жаңа бекеті мен аралық тоннельдердің құрылысы жалғасып жатыр. Метрополитен пайдалануға берілген сәттен бастап 165 миллионнан астам жолаушы тасымалдаған, -делінген баспасөз қызметінің хабарламада.