Дархан Сатыбалды көркейту және құрылыс жұмыстарының барысын тексерді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Республика алаңындағы субұрқақтарда кешенді күрделі жөндеу жүріп, жаңа сорғы орнатылып жатыр.Аталған жұмысты қазан айына дейін аяқтау міндеттелді. Ерменсай шағынауданындағы ТЖ салдарын жоюМұнда 7 шақырым су құбыры мен кәріз жүйесі, 2 сорғы станциясы салынып жатыр. «Мыңдаған тұрғынды сумен қамтамасыз ету — жыл соңына дейін шешілуі тиіс міндет», — деді әкім. Жәңгір хан көшесіндегі су тасқыны мәселесін шешуШілде айында су бұру жүйесі мен сорғы станциясының құрылысы басталады. Әкім жұмысты желтоқсанға дейін аяқтап, үйлерге кіреберіс жолдарды ескеруді талап етті. Кереңқұлақ өзенінің жағалауында балалар алаңдары, 2 шақырымдық демалыс аймағы пайда болады. Басты талап — алма бақтары мен табиғи ландшафты сақтау. № 190 мектепАпатты жағдайда тұрған ескі ғимараттың орнына 600 орындық жаңа мектеп бой көтереді. Үлкен Алматы өзенінің арнасы5,7 шақырым аумақты көркейту: веложолдар, көпірлер, жарықтандыру, балаларға арналған аймақтар, - делінген хабарлмада.Дархан Сатыбалды: «Мерзім мен сапа қатаң сақталуға тиіс. Әр нысан жіті бақылауымда».