Мажарстанның Карцаг қаласында Алматы қаласы музейлер бірлестігі ұйымдастырған «Қазақстанның көшпенділері: өткені мен бүгіні» атты көрме ашылды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Көрмеге келушілерге 200-ден астам бірегей экспонат ұсынылды, оның ішінде Абай Құнанбайұлының домбырасы, XIII ғасырдағы күміс тиындар, зергерлік әшекейлер, жүннен тоқылған кілемдер және ат әбзелдері бар. Бұл заттар қазақ халқының бай мұрасы мен мәдениетінен сыр шертеді.Көрме үлкен қызығушылық тудырды, себебі Мажарстан аумағында қазақ даласынан көшіп барған қыпшақтардың ұрпақтары тұрады. Көрмеге келгендер халықтар арасындағы мәдени байланысты атап өтті.
Экспозиция 20 қарашаға дейін жалғасады және дәстүрлі тұрмыстық заттардан басқа, Алматының заманауи сұлулығын бейнелейтін фотосуреттер де көрсетіледі. Көрмені Қазақстанның Мажарстандағы елшісі Абзал Сапарбекұлы мен Мәжіліс төрағасы Ерлан Қошанов тамашалады.Бұған дейін Алматы музейлері Австрияда, Италияда, Түркияда және Оңтүстік Кореяда көрме ұйымдастырған болатын.