Қазақстанда алғаш рет Сеул тарихы музейінің коллекциясынан 100-ден астам бірегей экспонат қойылды. Экспозицияда XIV ғасырдан XIX ғасырға дейін Корея елін басқарған Чосон әулетінің киімдері мен аксессуарлары, тұрмыстық заттары, тарихи құжаттары мен интерьері ұсынылған.Бұл Алматы музейі мен Сеул қаласының тарихы музейінің музейаралық ынтымақтастық аясындағы бірлескен жобасы. 2022 жылдың желтоқсанында Сеул қаласының тарихы музейінде Алматы музейінің қорларынан экспонаттар ұсынылды. Экспозиция екі ел арасындағы дипломатиялық қатынастардың орнағанына 30 жыл толу аясында ұйымдастырылды.