JOLTAP жобасы: елорда тұрғыны жиһаз жасау курсын тәмамдады. Былтыр бастау алған JOLTAP жобасы елордалықтарға мол мүмкіндіктер ашты. Жоба арқылы бас қаланың тұрғындары жаңа мамандықтарды қысқа мерзімде игеріп, тың табыс көзін табуға ұмтылыс жасады, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Солардың бірі Дәурен Жолманов жақында «Корпусты жиһаз жасау негіздері» курсын тәмамдады.Аталған курсты студенттер әртүрлі модульдер бойынша оқиды.
Айта кетейік, модульдік пунктердің кеңесшілері тұрғын үй бағдарламалары, бизнес гранттары, әлеуметтік көмек және жұмысқа орналасу мүмкіндіктері туралы да ақпарат береді. JOLTAP жобасы аясында қала тұрғындары екі қысқа мерзімді бағдарламада тегін білім ала алады.Бірінші бағдарлама тігінші және сатушы-кассир сияқты сауда, құрылыс және қызмет көрсету салаларының стандарттары мен талаптарына негізделген жұмысшы мамандықтарын оқытуға арналған. Ал «Freelance Mumkindik» деп аталатын екінші бағдарлама нарықта танымал және өзекті болып табылатын цифрлық дағдыларды үйретеді.