Медиа саласының өкілдері мегаполистегі жетекші кәсіпорындарды аралады. Айтулы бастама ҚР Өнеркәсіп және құрылыс министрлігі мен Шымкент қаласы әкімдігінің ұйымдастыруымен қолға алынып отыр.
Жоба шеңберінде БАҚ өкілдері, блогерлер, өнеркәсіп талдаушылар мен қоғамдық пікір көшбасшылары өнеркәсіп орындарының тыныс-тіршілігімен танысып, олардың оң иммиджін қадыптастыру мақсатында циклді материалдар дайындайды.
Осы мақсатта қатысушылар жеңіл өнеркәсіп бағытындағы – «Mega smart» ЖШС-де болды. ЛДСП және жылтыр сәндік панельдер шығаратын өндіріс орны 2015 жылы іске қосылған. Айына бес мыңға жуық мектеп партасы мен жылына 120 мың жиһаз ағаштарын өндіруге қауқарлы. Бүгінде кәсіпорын өнімдері шетелдерге де экспортталып, ел экономикасына оң әсерін тигізіп отыр.Жиһаз өндірісіне қажетті шикізат Ресейден жеткізіледі. Ұсақ-түйек құралдар Германиядан алынғанымен бұйымға қажетті көптеген материалдың басым бөлігі - отандық.Фабрика үш бағытта жұмысты жандандырып отыр.
Олар жұмсақ және корпусты жиһаз шығару мен метал өңдеу. Бұл шаруамен жергілікті 150 азамат айналысуда. Солардың бірі, Талғат Кашимбаев. Өндіріс орны ашылғалы осында еңбек етіп келеді. Отандық өндірістің жандануына септесіп, нәпақасын айырып отырғанына дән риза. Жергілікті жиһаздарды жасауда шеберліктерімен бөлісіп, тәжірибе арттырып келеді. Қазақстандық өнімдердің шетелдік бұйымдардан ешқандай кемшін тұсы жоқ екенін алға тартқан ол, болашақты дамудың даңғыл жолына түсетінімізге бек сенімдімін дейді.