Павлодарда полицейлер есірткіге мас күйінде автобус айдаған жүргізушіні анықтады, – деп хабарлайды kazlenta.kz тілшісі Polisia.kz сайтына сілтеме жасап.
Павлодар облысының аумағында “Автобус” республикалық жедел-профилактикалық іс-шарасы өтіп жатыр. Іс-шара барысында полицейлер автобустардың техникалық жай-күйін, жүргізушілердің рейс алдындағы медициналық тексерулерден өтуін, тіркеу құжаттарының болуын тексереді.
Қазірдің өзінде қоғамдық көлік жүргізушілерінің 53 жол ережесін бұзу фактісі тоқтатылды. Жүргізушілердің көпшілігі маневр жасау ережелерін бұзғаны үшін жауапқа тартылады. Рульде ұялы телефонды пайдаланғаны үшін тағы 13 адам жазаланды. Автокөлікті заңсыз қайта жабдықтаудың 5 фактісі және мас күйінде автокөлікті жүргізудің екі фактісі анықталды. Айыппұл тұрағына 5 көлік қойылды.
– Мысалы Павлодар қаласының Академик Шөкин көшесінде полиция қызметкерлері Volkswagen автобусын тоқтатты. Өйткені жүргізуші көлікті өте баяу жүргізгендігі полицейлердің назарын аударды. Медициналық сараптама жүргізушінің шынымен де есірткіге мас күйінде көлік жүргізгені туралы полицияның күдігін растады. Аялдама кезінде автобуста жолаушылар болмаған. Жүргізуші жауапкершілікке тартылды. Сот оны 15 тәулікке әкімшілік қамауға алды. Автокөлік арнайы тұраққа қойылды, – деді Павлодар қаласы ПБ патрульдік полиция батальонының командирі Айдар Сламбеков.
Павлодар облысының полиция департаменті жолаушыларды тасымалдаумен айналысатын ұйымдарды, кәсіпорындар мен мекемелерді автобус жүргізушілерінің қауіпсіз тасымалдауын қамтамасыз етуге баса назар аударуды, жолдағы жүргізушілер құрамы мен автобустардың техникалық жағдайын бақылауды күшейтуді сұрайды.