Ұлытау облысында теміржол өткелінде жол қозғалысы ережесін бұзған жүргізуші жауапқа тартылды, деп хабарлайды kazlenta.kz тілшісі Polisia.kz сайтына сілтеме жасап.
Ұлытау облысында теміржол өткелінде тыйым салатын сигналға қарамастан қозғалысын жалғастырған жүк көлігінің жүргізушісі әкімшілік жауапкершілікке тартылды. Құқық бұзушылық Жезқазған қаласында бейнебақылау камералары арқылы анықталды. Жедел басқару орталығының инспекторлары 1979 жылы туған азаматтың жүк көлігін басқарып, теміржол өткелінің кезекшісі тыйым салатын сигнал бергеніне қарамастан өткелге шыққанын анықтады.
Аталған дерек бойынша жүргізуші анықталып, заңнамаға сәйкес әкімшілік жауапкершілікке тартылды. Полиция жүргізушілерге теміржол өткелдерінен өту кезінде бағдаршам сигналдары мен кезекшінің талаптарын қатаң сақтауды ескертеді. Тыйым салатын сигналды елемеу ауыр жол-көлік оқиғасына әкелуі мүмкін.