Биыл Наурызбай ауданында бюджет қаражаты есебінен 8 көпқабатты үйдің қасбеті жаңартылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл үйдің сыртқы келбеті жақсартуға, тұрғындардың өмір сүру сапасын арттыруға бағытталған. Ауданда барлығы 579 көпқабатты тұрғын үй бар. Бұған дейін «ЖҚЖК-2020» бағдарламасы аясында бес көппәтерлі тұрғын үйдің қасбеті жөнделген болатын. Алайда 1960-1980 жылдар аралығында салынған тағы он үйдің қасбетін жөндеу қажет. Жөндеу жүргізілетін үйлердің мекенжайы:- «Қалқаман» шағын ауданы, Жансүгіров көшесі, 31 және 33 үйлер;- «Ақжар» шағын ауданы, Дәулеткерей көшесі, 162, 166 және 7 үйлер;- «Рахат» шағын ауданы, Көкдала көшесі, 10 және 17 үйлер;- «Таусамалы» шағын ауданы, Рысқұлов көшесі, 86. Жөндеуден кейін не өзгереді:Бұл ғимараттардың сыртқы келбетін жақсартумен қатар, ғимараттарды ылғалдан, көгеруден қорғайды, тұрғындардың денсаулығына оң әсер етеді. Бұған қоса, аудан аумағында бірыңғай сәулеттік стильдегі ақпараттық құрылыстар орнатылады, сондай-ақ ауданға бірегей әрі заманауи көрініс беретін көше жиһаздары мен муралдардың жаңа элементі пайда болады.Қайта құру биыл 30 қарашаға дейін аяқталады. Жобаның мақсаты – Наурызбай ауданының барлық тұрғыны үшін жайлы әрі тартымды қалалық орта құру.