Биыл Шымкент қаласында мемлекеттік бюджет есебінен 100 көпқабатты тұрғын үйдің құрылысы жүргізіліп жатыр. Оның ішінде 8-і арендалық тұрғын үйлер болса, қалған 92-сі жеңілдетілген шарттармен берілетін кредиттік тұрғын үйлер.
Бұл туралы Шымкент қаласы әкімдігінің құрылыс басқармасынан хабарлады. Басқарманың деректеріне сүйенсек, мемлекеттік бюджеттен тұрғын үй құрылысы бағытына биыл 46,4 миллиард теңге қаржы қаралған. Оның ішінде жергілікті бюджеттен 16 миллиард теңге, облигациялар арқылы 30,4 миллиард теңге бөлінген.
Аталған қаржыға жалпы ауданы 330,4 мың шаршы метрді құрайтын 100 көпқабатты тұрғын үй салынады. Бұл тұрғын үйлерде 4 306 пәтер бар. Биыл соның ішінде жалпы ауданы 136,7 мың шаршы метрлік 36 тұрғын үйдің құрылысы аяқталады. Демек, жыл соңына дейін Шымкентте 1 816 отбасы мемлекеттік бағдарламалар арқылы пәтерлі болады деген сөз. Биылғы 10 айдың қорытындысы бойынша 540 пәтерлі 10 тұрғын үй пайдалануға беріліп үлгерген.
14-12-2023, 20:34
Биыл Шымкенттегі бюджет есебінен көпқабатты 100 тұрғын үй салынып жатыр
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз