Қала әкімі Дархан Сатыбалдының төрағалығымен «Таза Қазақстан» бағдарламасын жүзеге асыруға арналған жиын өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Басқосуда аумақтарды тазалау, жолдарды жөндеу, қоқыс шығару, көгалдандыру және жарықтандыру мәселелері қаралды.Дархан Сатыбалды тазалық жұмыстары сенбілік тек ресми есеппен ғана шектелмеуі тиіс екенін, сондай-ақ мердігер ұйымдар күз бен қыс маусымына толық дайын болуы қажет екенін атап өтті. Аулаларға ерекше көңіл бөлінді. Әкімнің айтуынша, тұрғындар уақытының ең көп бөлігін өткізетін орын – осы аула. Сондықтан мұнда тазалық жүйелі әрі мұқият жүргізілуі тиіс.Сондай-ақ саябақтарда, туристік бағыттарда, жүргіншілер жолдары мен демалыс орындарында да санитарлық жағдайға баса назар аудару тапсырылды.Аудан әкімдеріне қоқыс тастауға жол бермеу үшін түсіндіру жұмыстарын күшейту, қоқысты уақытылы шығару міндеттелді, - делінген хабарда.