Алматыда «Таза Қазақстан» экологиялық бастамасын жүзеге асыруға арналған алқалы жиын өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қала әкімі Дархан Сатыбалдының төрағалығымен өткен кеңесте атқарылған жұмыстардың нәтижесі сараланып, алдағы басым бағыттар мен тұрғындарды табиғатты қорғау шараларына тартудың тың жолдары сөз болды.Әсіресе, жас буынның қатысуына ерекше назар аударылды. «Жасыл ел» бағдарламасының аясында бүгінде екі мыңнан астам алматылық жас тазалық жұмыстарында, ағартушылық іс-шараларда белсенділік танытып отыр. Қаланың түкпір-түкпіріндегі комьюнити-орталықтар шағын экохабтарға айналып, жастар арасында табиғатты аялай білуді, ресурстарды ұқыпты тұтыну мәдениетін қалыптастыруға мұрындық болып отыр. Науқан басталғалы бері 170-тен аса іс-шара ұйымдастырылды. TazaQazBot платформасы арқылы келіп түскен 305 өтініштің дені оң шешімін тапты. Қала аумағын санитарлық тазалау, қалдық шығару және жасыл желекті күтіп-баптау жұмыстары жүйелі түрде жалғасып келеді, - делінген хабарламада.
«Таза Қазақстан» — бір реттік акция емес, жаңа қала мәдениетін қалыптастыруға бағытталған жүйелі жұмыс», - деп шаһар басшысы бұл бастаманың маңызын атады.