Қала әкімі Сайран су қоймасындағы тәртіпсіздікті жоюды талап етті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматыда өткен аппараттық кеңестің басқосуында қаңтар-мамыр айларында бюджетті жүзеге асыру және әлеуметтік-экономикалық даму қорытындылары, сондай-ақ "Таза Қазақстан" бағдарламасының орындалу барысы пысықталды.Қала әкімі Дархан Сатыбалды Сайран су қоймасының санитарлық жағдайына ерекше мән берді. Экология, қоғамдық кеңістікті дамыту мен Полиция басқармаларына құқық бұзушыларға бақылау мен қатаң шараның жоқтығы сыналды. Мердігерге орын алған барлық кемшіліктерді жою үшін соңғы ескерту жасалды. Аудан әкімдеріне қаланың проблемалық учаскелерін қоқыстан тазартып, бітелген арықтарды ретке келтіру тапсырылды. Жұмыс ерекше бақылауда болады. Сондай-ақ, қала басшысы Алматының күзгі көгалдандыру жоспарын ұсынуды және ауаны ластайтын көлікке бақылауды күшейтуді тапсырды. 2030 жылға қарай ЖӨӨ-ні екі есеге арттыру жоспарын әзірлеп, 2027-2028 жылдарға арналған инвестициялардың өсу көздерін анықтау міндеті қойылды, - делінген хабарлмада.