Алматы әкімі Дархан Сатыбалды Түрксіб ауданында жиын өткізіп, аудан әкімдігі, салалық басқармалар мен коммуналдық қызмет басшыларымен инженерлік желілердің жағдайы, жолдарды жөндеу, санитарлық тазалық пен коммуналдық қызметтердің жұмысын талқылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Негізгі мәселелер: Қайрат пен Жас Қанат шағын аудандарында қоқыстың уақытылы шығарылмауы, аулалардың дұрыс абаттандырылмауы және «Желтоқсан» саябағында жарықтың жеткіліксіздігі. Әкім мердігерлердің жауапкершілігін арттырып, проблемалық нысандарда жұмыстарды толық аяқтауды қатаң бақылауды тапсырды. Сондай-ақ Қайрат, Әлмерек және Нұршашқан ықшамаудандарын тұрақты электр қуатымен қамту үшін «Тұздыбастау» қосалқы стансасын іске қосу мәселесі қаралды. Денсаулық сақтау нысандарының жағдайы мен оларға іргелес аумақтарды абаттандыру мәселесі қаралды. Тұрғындарды жеке қабылдау барысында көтерілген мәселелер бойынша түсініктемелер беріліп, нақты мерзімдер белгіленді, - делінген хабарламада.