Қарағанды облысының әкімі Ермағанбет Бөлекпаев арнайы орталықтағы балалардың жаппай улануына қатысты түсініктеме берді, деп хабарлайды kazlenta.kz тілшісі Orda.kz сайтына сілтеме жасап.
Оның айтуынша, орталық стационарына қаралатын 147 бала ерекше бақылауда. Әкім кінәлілер жазаланатынын атап өтті. Тергеу органдары барлық қажетті шараларды қабылдайды.
Бала құқықтары жөніндегі уәкіл Динара Закиева 6 бала ауыр хәлде жан сақтау бөлімінде, 7 бала ауруханада жатқанын хабарлады.