Шымкент қаласына жұмыс сапары аясында ҚР Индустрия және инфрақұрылымдық даму министрі Бейбіт Атамқұлов Шымкент қаласының әкімі Мұрат Әйтеновпен бірге жаңа жолаушылар терминалының салыну барысымен танысты, деп хабарлайды kazlenta.kz.
Жоба 2020-2025 жылдарға арналған "Нұрлы жол" инфрақұрылымдық даму мемлекеттік бағдарламасы аясында "СКАТ" әуе компаниясының жеке инвестициясы есебінен іске асырылуда.
![](https://kazlenta.kz/kz/uploads/posts/2020-10/medium/1602151619_0m4a7739.jpg)
«СКАТ» авиакомпаниясының президенті Владимир Денисов жаңа терминалдың өндірістік қуаты, транзиттік жолаушыларды тарту жоспарлары туралы, сондай-ақ құрылыс кезінде пайдаланылатын қазіргі заманғы материалдар, оның ішінде осындай деңгейдегі объектілерде қолданылатын отандық өндіріс туралы баяндады.
![](https://kazlenta.kz/kz/uploads/posts/2020-10/medium/1602151560_0m4a7783.jpg)
Жаңа терминал халықаралық сапа және қауіпсіздік стандарттарына сәйкес келеді, бұл мегаполис тұрғындары мен қонақтарын жайлылықтың жоғары деңгейімен қамтамасыз етуге мүмкіндік береді.
Анықтамалық:
Жаңа жолаушылар терминалының параметрлері:
ауданы - 35 000 ш. м;
4 қабатты ғимарат;
өткізу қабілеті - 2000 жол/сағ;
телескопиялық траптар - 4 бірлік;
багажды тіркеу мен өңдеудің автоматтандырылған жүйесі;
тіркеу тағандары - 24 бірлік;
лифтілер - 9 бірлік;
эскалаторлар - 13 бірлік.