Көкшетауда есірткі сатумен айналысқан үш павлодарлыққа үкім шығарылды, – деп хабарлайды kazlenta.kz тілшісі Polisia.kz сайтына сілтеме жасап.
Ақмола мамандандырылған ауданаралық соты Павлодар облысының 21 және 22 жастағы үш тұрғынына қатысты қозғалған қылмыстық істер бойынша үкім шығарды. Олар ҚР ҚК-нің 297-бабының 3-бөлімінде (Алдын ала сөз байласу бойынша электрондық ақпараттық ресурстарды пайдалану арқылы адамдар тобы жасаған психотроптық заттарды аса ірі мөлшерде заңсыз сатып алу, өткізу мақсатында сақтау) көзделген (Алдын ала сөз байласу бойынша адамдар тобы жасаған құрамында есірткі заттары бар, өсіруге тыйым салынған өсімдіктерді егу және өсіру) және ҚР ҚК-нің 300-бабы 2-бөлімінде көзделген қылмыстарын жасады деп айыпталды.
Есірткі сатушылар 2022 жылдың қыркүйегінде арнайы операция барысында Ақмола облысы ПД есірткі қылмысына қарсы іс-қимыл басқармасының қызметкерлерімен жедел әрекет ету арнайы жасағының қатысуымен ұсталды.
Тінту барысында жедел уәкілдер жалпы салмағы 2 келіден асатын кептірілген марихуана есірткі затын, сондай-ақ прекурсорлар, жалпы салмағы 1 келіден асатын каннабис (қарасора) тұқымдасының он бұтасын, есірткіні өсіру үшін пайдаланылған зертханалық жабдықты тәркіледі.
Сонымен қатар ұсталғандардан тыйым салынған заттарды салу заңсыз айналымымен байланысты құқыққа қайшы әрекеттерге қатысы бар екендігі туралы ақпарат бар ұялы телефондар тәркіленді.
Қылмыстық істер жөніндегі Ақмола мамандандырылған ауданаралық сотының шешімімен павлодарлықтар айыпталушы баптар бойынша кінәлі деп танылды. Жазасын ең жоғары қауіпсіздік қылмыстық-атқару жүйесі мекемесінде өтей отырып олар 10 және 11 жылға бас бостандығынан айырылды.
2023 жылдың наурыз айында үкім заңды күшіне енді.