27 қазанда сағат 16:10 шамасында Ақтөбе облысы бойынша қылмыстық-атқару жүйесі департаментіне қарасты №70 аралас қауіпсіздік мекемесіне тыйым салынған заттарды өткізу әрекеті анықталды, деп хабарлайды kazlenta.kz тілшісі Polisia.kz сайтына сілтеме жасап.
Сотталғандардың біріне жеткізілген сәлемдемені тексеру кезінде мекеменің режимдік және жедел бөлімдерінің қызметкерлері департаменттің режим, қадағалау және күзет бөлімінің мамандарымен бірлесіп, баклажан уылдырығы салынған пластикалық бөтелкенің ішінен есірткіге ұқсас затты тапты.
Зат белгіленген тәртіппен тәркіленді. Оқиға орнына жедел-тергеу тобы шақырылып, аталған дерек тіркелді. Қазақстан Республикасы Қылмыстық кодексінің 297-бабының 1-бөлігі бойынша сотқа дейінгі тергеп-тексеру басталды. Ақтөбе облысы бойынша ҚАЖ департаменті қылмыстық-атқару жүйесі мекемелеріне тыйым салынған заттарды өткізу заңнамаға сәйкес жауаптылыққа әкеп соғатынын ескертеді.