Алматыда Колумбияда өткен 56-шы Халықаралық физика олимпиадасының (IPhO-2026) жеңімпаздары – Қазақстанның ұлттық құрамасы салтанатты түрде қарсы алынды. Биыл алғаш рет ел құрамасының барлық бес мүшесі алтын медаль жеңіп алды, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Әуежайда жеңімпаздарды ҚР Оқу-ағарту министрі Жұлдыз Сүлейменова, Алматы әкімінің орынбасары Абзал Нүкенов, сондай-ақ ата-аналар, ұстаздар және қоғам өкілдері құттықтады. Абзал Нүкенов бұл жетістік бүкіл ел үшін зор мақтаныш екенін және қазақстандық білім беру жүйесінің жоғары деңгейін айқын көрсететінін атап өтті. Ұлттық құрама сапында алматылық оқушы Роман Черемнов та өнер көрсетті. Сонымен қатар Нұргүл Егенбергенова, Әмірбек Азатбеков, Ілияс Қазымбек және Дамир Құрман алтын медаль иеленді. Жалпы олимпиадаға әлемнің 85 елінен 381 оқушы қатысты.