Алматыда 24-ші Қазақстан халықаралық «Туризм және саяхат» көрмесі — KITF 2026 мәресіне жетті, деп хабарлайды kazlenta.kz тілшісі Алматы қаласы әкімінің баспасөз қызметіне сілтеме жасап.
Үш күн ішінде көрмені 6 мыңнан астам адам тамашалады, ал көрменің өзі Орталық Азиядағы ең ірі туристік алаңдардың бірі ретінде танылды. KITF көрмесіне әлемнің 24 елінен 414 компания қатысты. Алғаш рет Кипр, Моңғолия, Шри-Ланка және Абу-Даби ұсынылды. Қазақстан атынан 68 компания қатысты.
Көрме іскерлік кездесулер өткізуге, жаңа серіктестіктер орнатуға және Алматының туристік әлеуетін танытуға мүмкіндік берді.Алматы шетелдік туристер үшін, әсіресе, wellness және сауықтыру туризмі бағытында, сұранысқа ие қала мәртебесін сақтап келеді. Мұндай ауқымды іс-шаралар қалаға туристер мен инвестиция тартуға, сондай-ақ халықаралық байланысты нығайтуға ықпал етеді.