Дохада өткен Qatar Travel Mart 2024 халықаралық көрмесінде біздің қала табиғи және мәдени көрнекті орындарын таныстырды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Үш күн ішінде іс-шараға 12 мыңнан астам адам қатысты. Алматы үздік туристік бағыт деп танылды. Көрмеде қонақтар қазақ мәдениетінің атмосферасына шомылып, ұлттық тағамдардан дәм татып, дәстүрлі киімдерді киіп көрді. Қаланың атынан Visit Almaty орталығы, 6 туроператор және «Шымбұлақ» курорты қатысты. Шетелдік серіктестермен өткен іскерлік кездесулер нәтижесінде Алматыға 13 000-нан астам турист тартуға арналған 44 келісімшартқа қол қойылды. Алматылық туроператорлар мұндай көрмелерге қатысу Қазақстанның туристік әлеуетін арттыруға және халықаралық байланыстарды нығайтуға ықпал ететінін атап өтті.3-12-2024, 12:33
Алматы үздік туристік бағыт деп танылды
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз