Ақмола облысында майды сығындылау зауытын салу жөніндегі ірі инвестициялық жобаны іске асыру басталады.«Содружество Қазақстан» серіктестігі күнбағыс, рапс, соя және зығыр тұқымдарын терең өңдейтін жоғары технологиялық кәсіпорын құруды жоспарлап отыр, деп хабарлайды kazlenta.kz тілшісі ҚР АШМ баспасөз қызметіне сілтеме жасап.
Зауыттың өндірістік қуаты — тәулігіне 3 мың тонна шикізат, яғни жылына шамамен 1 млн тоннаны құрайды. Кәсіпорында жыл сайын 300 мың тоннаға дейін өсімдік майы және 400–500 мың тонна шрот пен жом өндіріледі. Жобаны іске асыру мерзімі 18 айдан 36 айға дейін деп жоспарлануда.
Жобаға тартылатын инвестицияның жалпы көлемі 76 млрд теңгеге бағаланып отыр. Нәтижесінде 400-ге дейін жаңа жұмыс орны ашылады.
Компания директоры Александр Самойловтың айтуынша, бұл кәсіпорын майлы дақылдарды өңдеу нарығында алдыңғы қатарда.
Кәсіпорынды іске қосу май-тоң май саласын дамытуға және ауыл шаруашылығы өнімдерін өңдеудің заманауи инфрақұрылымын қалыптастыруға маңызды серпін береді.