Шымкентте алматылық тұрғыннан аса ірі көлемде психотроптық зат тәркіленді, – деп хабарлайды kazlenta.kz тілшісі Polisia.kz сайтына сілтеме жасап.
Полиция қоғамда "Заң мен тәртіп" идеологиясын ілгерілетуге бағытталған жұмыстарды жалғастырып жатыр. Жедел іс-шаралар барысында Шымкент қаласы полиция департаментінің есірткі қылмысына қарсы іс-қимыл басқармасы қызметкерлері синтетикалық есірткі затын тасымалдаған Алматы қаласы тұрғынының басқаруындағы Hyundai Elantra автокөлігін тоқтатты. Тексеру барысында автокөлік салонынан скотчпен оралған полиэтилен пакет табылып, тәркіленді. Оның ішінде жалпы салмағы 1 келі психотроптық зат болған. Аталған заттың Шымкент қаласы аумағында жасырын орындарға қою арқылы таратуға арналғаны анықталды. Осы дерек бойынша қылмыстық іс қозғалды, күдікті қамауға алынды.Бүгін, 14:01
Шымкентте алматылық тұрғыннан аса ірі көлемде психотроптық зат тәркіленді
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз