Блогерлер Ерболат Жанәбілов пен Эльмира Төлегеноваға қатысты қылмыстық іс қозғалды. Оларға екі жылға дейін бас бостандығынан айыру жазасы тағайындалуы мүмкін. Алайда, ҚМА мәліметінше, мұндай жағдайдың алдын алуға болатын еді, - деп хабарлайды kazlenta.kz тілшісі Tengrinews.kz сайтына сілтеме жасап.
Бұған дейін Қаржы мониторингі агенттігі (ҚМА) 37-ден астам блогерге қатысты материалдарды әкімшілік жауапкершілікке тарту үшін уәкілетті органдарға жолдаған болатын. Сенаттағы брифинг барысында журналистер агенттік төрағасының орынбасары Жеңіс Елемесовтен Жанәбіловтер ісінің не себепті сотқа дейін жеткенін сұрады.
Елемесовтің айтуынша, бәрі іске қатысушылардың ұстанымына байланысты. Егер тұлға әкімшілік жазаға келіспей, өтініш білдірсе, іс сот арқылы қаралады.
"Әкімшілік құқық бұзушылық туралы кодексте көрсетілген, егер тұлға әкімшілік жауапкершілікке келіспей, тиісті өтініш білдірсе, іс уәкілетті органда емес, сотта қаралуы тиіс", – деп түсіндірді ол.