Алматы әкімі Геологтар аллеясындағы күрделі жөндеу жұмыстарымен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жұмыс сапары барысында Алматы қаласының әкімі Дархан Сатыбалды Бостандық ауданындағы Сәтбаев пен Байтурсынов көшелерінің қиылысында орналасқан Геологтар аллеясында жүргізіліп жатқан күрделі жөндеу жұмыстарымен танысты. Мұнда қоғамдық кеңістікті жаңарту бойынша құрылыс-монтаж жұмыстары жалғасуда.Жоба қоғамдық кеңістіктерді жаңарту аясында іске асырылуда. Жөндеу жұмыстары бекітілген абаттандыру тұжырымдамасына сәйкес жүргізілуде. Ескерткішті аллеяның орталық бөлігіне көшіру және инфрақұрылымды толық жаңарту жоспарланған.Аумағында жаңа жарық шамдары, орындықтар мен қоқыс жәшіктері, велотұрақ, шахмат және теннис үстелдері, сондай-ақ амфитеатр орнатылады. Қоғамдық кеңістік көгалдандырылып, ағаштар отырғызылады және жасыл аймақтар құрылады. Жөндеу жұмыстарын 2025 жылдың қазан айында аяқтау жоспарланып отыр.10-08-2025, 10:07
Алматы әкімі Геологтар аллеясындағы күрделі жөндеу жұмыстарымен танысты
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз