Алматының Бостандық ауданында жаңа қоғамдық кеңістік салынып жатыр, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Алматы әкімі Дархан Сатыбалды Жароков пен Си Синхай көшелерінің қиылысында орналасқан жаңа қоғамдық кеңістік құрылысымен танысты. Аумағы 4,1 гектарды құрайтын бұл жер қала тұрғындары үшін жаңа жасыл демалыс орнына айналады.Қазір мұнда жаяу жүргіншілер жолы төселіп, балалар ойын алаңдары, жарық шамдары мен шағын сәулет нысандары салынып жатыр. Сондай-ақ 120-дан астам ағаш – жөке, каштан және қарағай көшеттері егіледі. Қала басшысының тапсырмасына сәйкес, жоба үш ай ішінде толық аяқталуы тиіс.