Алматы әкімі Ерболат Досаев Боралдай өзенінің бойындағы жасыл аймақты абаттандыру барысымен танысты, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Жаңа қоғамдық кеңістік «Саялы», «Зерделі», «Көкқайнар» және «Әйгерім» шағын ауданының 60 мыңнан астам тұрғыны үшін тартымды орынға айналады.Мұнда орнатылған:ыңғайлы тротуарлар, орындықтар, қоқыс жәшіктері, жарықтандыру, суару жүйесі; көліктерге арналған тұрақтар; футбол және баскетбол алаңдары;теннис үстелдері, скейт алаңы; пирс жабдықталған.Жергілікті тұрғындар демалуға жағдай жасағаны үшін алғыс айтып, тәртіп пен қауіпсіздікті қамтамасыз етуді сұрады. Бұл үшін жағалау бойында бейнекамералар орнатылады, деді қала басшысы. Алатау ауданында барлығы қосымша 900 бақылау камерасы орнатылды.Қалада қоғамдық кеңістіктер мен жайлы орта құру жұмыстары жалғасуда. Қазір Қарғалы өзенінің жағалауын қайта жаңғырту мен Есентай өзенінің жағасында серуендеу аймағы салынып жатыр.