Байқоңыр ауданының Өндіріс тұрғын алабындағы Құрманғазы көшесінде бос орынға қоғамдық кеңістік ашылды, деп хабарлайды kazlenta.kz тілшісі елорда әкімдігінің ресми сайтына сілтеме жасап.
Аталған кеңістік осыған дейін қараусыз тұрған бос алаң болған. Бүгінгі күні орнына жаңа қоғамдық кеңістік жайластырылып, балалар ойын алаңы ашылды.Абаттандыру барысында балалар ойын алаңынан бөлек, үлкен спор алаңы, workout-алаң, демалыс орындықтары жабдықталды.Сонымен қатар, асфальт және тартан жабыны төселіп, қосымша жарықтандыру жүргізілді.Бұдан бөлек, қоғамдық кеңістік аумағына қосымша автотұрақ та жайластырылды. Сондай-ақ, тұрғындардың қолайлылығы үшін жарықтандыру жұмысы жүргізілді.Осылайша, тұрғындардың көптен күткен қуанышы орындалып, кеңістік салтанатты түрде ашылды.