Алматы әкімі Ерболат Досаев Сайран су қоймасының жағалауын көріктендіру жұмыстарының барысын тексерді, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Мұнда ондаған жыл бойы абаттандыру жүргізілмеген. Қазір бұл жерде жағажай аймақтары мен серуендеу маршруттары бар заманауи қоғамдық кеңістік құрылуда. Жұмыс 70% аяқталды, жобаны жыл соңына дейін аяқтау жоспарланған. Алайда 200 ірі жөке ағашын отырғызу көктемге қалдырылды, бұл олардың жақсы бейімделуіне мүмкіндік береді.Жоба 2,5 км жағалау, скейтпарк, жаттығу құрылғылары, балалар қалашығы және белсенді демалыс аймақтарын қамтиды. Қауіпсіздік үшін бейнебақылау камералары мен полиция бекеттері де орнатылады.Қала басшысының айтуынша, Сайран тұрғындар мен туристер үшін тартымды орынға айналуы керек, ал экожүйені қалпына келтіру – басты басымдықтың бірі.