Жамбыл облысында көлік сақшылары бір топ адамнан алты қап марихуана тәркіледі, – деп хабарлайды kazlenta.kz тілшісі Polisia.kz сайтына сілтеме жасап.
Көліктегі полиция департаментінің қызметкерлері "Қарасора – 2025" жедел алдын алу іс-шарасын жүргізу барысында Жамбыл облысының Аспара – Құмөзек аралығы ауданында қызметтік-іздестіру итін қолдана отырып, жабайы өсетін марихуананы жинау кезінде бір топ адамды ұстады. Тексеру барысында ұсталғандардан жалпы салмағы 53 келіден астам алты қап марихуана тәркіленді. Сондай-ақ барлық тұлғаның бұрын сотты болғаны және Жамбыл облысының тұрғындары екені анықталды. Есірткі заттарымен заңсыз айналысу фактісі бойынша сотқа дейінгі тергеу басталды. Қажетті процессуалдық шаралар жүргізіліп жатыр. Өзге ақпарат ҚР Қылмыстық-процестік кодексінің 201-бабына сәйкес тергеу мүддесіне орай жария етілмейді.Кеше, 12:51
Жамбыл облысында көлік сақшылары бір топ адамнан алты қап марихуана тәркіледі
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз