Түркістан облысында полицейлер тұрғындардан 4 келіден астам есірткі тәркіледі, – деп хабарлайды kazlenta.kz тілшісі Polisia.kz сайтына сілтеме жасап.
Түркістан облысы ПД есірткі қылмысына қарсы іс-қимыл басқармасының қызметкерлері жедел-іздестіру іс-шараларын жүргізу кезінде есірткі заттарын сақтаудың екі фактісін анықтап, 4 келіден астам марихуана тәркіледі. Мәселен, полиция қызметкерлері Сарыағаш ауданында Audi автокөлігінің жүргізушісін ұстады. Тексеру кезінде көліктің салонынан есірткі заты бар 3 полиэтилен пакетін тапты. Алынған заттың жалпы салмағы 3 келіден астам марихуана болып шықты. Сондай-ақ жедел уәкілдер Сайрам ауданы тұрғынының үйін тінту кезінде өсімдік тектес есірткі заты бар 4 полиэтилен орамасын тәркіледі. Алынған есірткінің салмағы шамамен 1 келі марихуана екені расталды. Қазіргі уақытта есірткі заттарын заңсыз сақтау фактілері бойынша сотқа дейінгі тергеу амалдары жалғасуда. Күдіктілер полицияға жеткізілді. Барлық мән-жай анықталады.Бүгін, 14:35
Түркістан облысында тұрғындардан 4 келіден астам марихуана тәркіленді
Фото: Polisia.kz
Егер мәтінде қате байқасаңыз, оны таңдап, Ctrl+Enter пернелерін басыңыз