Алматыда жастарға арналған жаңа комьюнити орталықтар ашылады, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Шаһар басшысы Ерболат Досаев комьюнити орталықтар ашып, олардың санын 16-ға дейін жеткізуді тапсырды.«Комьюнити орталықтардың пайдасы мол, жастардың басын қосатын орындар пайда болды», - деді қала басшысы.Қазір қаланың әр ауданында бір-бірден 8 комьюнити орталық ашылған. Биыл тағы 4-еуі және келесі жылы 4-еуі бой көтереді. Аумағы 300 м2 болатын әр орталықта психологиялық, заң көмегі, жұмысқа орналастыру, кәсіптік бағдар беру, кәсіпкерлік бойынша кеңес беріледі, сондай-ақ идеяны дамытуға арналған коворкинг аймақ та бар.Жыл басынан бері онда 750 іс-шара өткізіліп, 30 мыңнан астам жас қатысқан. «Онай» картасы негізінде орталықтың резиденттері үшін түрлі жеңілдік қарастырылған клубтық карта жүйесі енгізілді.Сондай-ақ, жастарға арналған 34 демалыс орталығы жаңғыртылды.