Алматы қаласының Алатау ауданындағы қоқыс сұрыптайтын ірі кешен «Green Recycle» ЖШС аумағында қатты тұрмыстық қалдықтарды шығаруға арналған 50 жаңа арнайы машинаны тапсыру рәсімі өтті, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Техника қала жағдайына бейімделген, кран-манипуляторлық қондырғылармен жабдықталған және қоқысты шығарудың сапасы мен жүйелілігін арттыруға мүмкіндік береді. Жобаны «Жасыл даму» АҚ және «Ақ Тәртіп» ЖШС бірлесе жүзеге асыруда. Нәтижесінде 50-ге жуық жаңа жұмыс орны ашылды. Айтулы рәсімнен кейін қатысушылар 2018 жылы пайдалануға берілген және тәулігіне 1500 тоннаға дейін қалдықтарды қайта өңдейтін «Green Recycle» қоқыс сұрыптау кешенінің тыныс-тіршілігімен танысып шықты-делінген хабарлмада.