2025 жылы Алматыда экологиялық жобаларға 10,6 млрд теңге бөлу жоспарланған, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Бұл қаражат қаланы көгалдандыруға, қалдықтарды жинау жүйесін жақсартуға және табиғи нысандарды көріктендіруге жұмсалады. 2025-2027 жылдарға арналған бюджет жобасы Алматы мәслихатының алдағы сессиясында талқыланбақ. Көгалдандыру2025 жылы ағаш отырғызу мен саябақтарды көріктендіру жұмыстары жалғасады. 2024 жылы жоспарланған 170 мың көшеттің 110 мыңы отырғызылды. Бұл бір тұрғынға шаққандағы жасыл желек аумағын 12,5-тен 12,8 шаршы метрге дейін арттырады. Қоқыс жәшіктеріне арналған алаңдарҚалада санитарлық жағдайды жақсарту үшін 2 мыңнан астам жер асты контейнер алаңы салынады. Сондай-ақ, Іле ауданында жаңа қоқыс полигонының жобасы әзірленуде, ол қалдықтарды қауіпсіз өңдеуге мүмкіндік береді. Табиғи аймақтарҮлкен Алматы және Қарғалы өзендерінің арналары қайта жөнделеді, ал «Сайран» су қоймасы демалыс аймағына айналады. Экологиялық бастамалар қала тұрғындарының өмір сүру сапасын жақсартуға және жайлы қалалық ортаны қалыптастыруға бағытталған.5-12-2024, 19:36
Көгалдандыру, өзендер мен қалдықтар: Алматының 2025 жылға арналған жоспарлары
Фото: Алматы қаласы әкімдігінің баспасөз қызметі
Егер мәтінде қате байқасаңыз, оны таңдап, Ctrl+Enter пернелерін басыңыз