Алматыда 219 км жаңа сумен жабдықтау және су бұру желілері салынды, деп хабарлайды kazlenta.kz тілшісі Алматы қаласы әкімдігінің баспасөз қызметіне сілтеме жасап.
Қаланың энергетика және сумен жабдықтау басқармасы мамандарының айтуынша, Алматыда инженерлік инфрақұрылымды жаңғырту жұмыстары жалғасып жатыр.
• Сумен жабдықтау және су бұру: 219 км жаңа желі салынды, 27,3 км жаңғыртылды. 2025 жылы тағы 260 км жаңа желі салу және 87 км жаңғырту жоспарланған.
• Электрмен жабдықтау: қаңтардан қыркүйекке дейін 66 км желі қайта құрылды, 2025 жылы тағы 123 км қайта құру жоспарлануда. 2040 жылға дейінгі даму келешегімен 2030 жылға дейінгі электр желілерін дамыту схемасы жасалды.
• Жылумен жабдықтау: 20 км желі қайта құрылды, «АТКЭ» ЖШС-нің 81 қазандығы жөнделіп, 4-еуі қайта құрылды, бұл желілердің тозу деңгейін 56,1%-ға дейін төмендетті.7 қазанда басталған жылыту маусымына Алматы 100% дайын.