Нұр-Сұлтанда Қолданбалы этносаяси зерттеулер институтының этносаяси дискурсы алаңында онлайн форматта «Қордай сабақтары» тақырыбына сараптамалық кездесу өтті, деп хабарлайды kazlenta.kz.
Іс-шараға ҚР Парламенті Мәжілісінің депутаттары, Қазақстан халқы Ассамблеясының және ғылыми-сарапшылық кеңестің мүшелері, ҚР АҚДМ этносаралық қатынастарды дамыту жөніндегі комитеттің, Мемлекет тарихы институтының, ҚР Президенті жанындағы Қазақстан стратегиялық зерттеулер институтының, ҚР Президенті жанындағы Мемлекеттік басқару академиясының сарапшылар тобының өкілдері, магистранттары мен докторанттары қатысты.
Кездесуде ҚЭЗИ директорының орынбасары А.Сәдуақасова, ҚР Парламенті Мәжілісінің депутаттары Айдос Сарым, Ерлан Саиров, Қанат Нұров сөз сөйледі.
Спикерлер 2020 жылдың ақпан айында Қордай ауданында орын алған оқиғаларға түрлі сараптамалық бағалардың бар екендігін атап өтті. Сонымен қатар тұрақтылықты нығайту мен этносаралық келісімді сақтауда мемлекеттік институттар маңызды рөл атқаратыны туралы пікірлер білдірді.
Сарапшылар ең дамыған демократиялық мемлекеттер де аталған жағдайлардан қорғалмағандығын айтып, республиканың Мемлекеттік рәміздерін қолдану, мемлекеттік тіл мен қазақстандық патриотизмді дамыту бойынша кең түсіндіру жұмыстарын жүргізу қажеттігін жеткізді.
Іс-шара барысында қатысушылар талқыланған тақырып бойынша пікір алмасты.
11-02-2021, 15:37
«Қордай сабақтары» тақырыбына этносаяси дискурс өтті
Егер мәтінде қате байқасаңыз, оны таңдап, Ctrl+Enter пернелерін басыңыз