Жұма, 23 тамыз күні Алматы қаласындағы Достық үйінде әлеуметтік заңгерлер мен Qorgau орталықтарының «Мемлекет пен азаматтық қоғамның өзара әрекеттестігі» атты форумы өтті, деп хабарлайды «Qorgau» жобасының баспасөз қызметі.
Іс-шараны «Eurasian Expert Council» қоғамдық қоры Қазақстан халқы Ассамблеясының (ҚХА) қолдауымен Қазақстан Республикасының Ішкі істер министрлігімен бірлесіп ұйымдастырды. Аталмыш шараның мақсаты – адам құқығын қорғау саласында мемлекеттік құрылымдардың ҮЕҰ-лармен және әлеуметтік заңгерлермен өзара әрекеттестігі механизмін талқылау және енгізу бойынша семинар-тренинг өткізу.
Бұл форум сан түрлі ведомстволық саладағы түрлі ұйымдар сарапшы-құқық қорғаушыларының басын қосқан айрықша сараптау алаңына айналды.
Форумға ҚР Президенті жанындағы «Қоғамдық Келісім» РММ директоры Саттар Мәжитов, Қазақстандағы Адам құқығы және заңдылықты сақтау бойынша халықаралық бюроның төрағасы Евгений Жовтис, Қазақстан халқы Ассамблеясы төрағасының орынбасары Шерзод Пулатов, «Қазақстанның Азаматтық Альянсы» ЗТБ вице-президенті Гамал Түзелбаев, «Eurasian Expert Council» ҚҚ президенті Чингиз Лепсібаев, ішкі істер басқармаларының басшылары, ҮЕҰ және Алматы қаласы этномәдени орталықтарының өкілдері қатысты.
Жобаны «Eurasian Expert Council» қоғамдық қоры Қазақстан Республикасының Ақпарат және қоғамдық даму министрлігінің қолдауымен «Азаматтық бастамаларды қолдау орталығы» КеАҚ гранты аясында жүзеге асырды.
Фото: «Qorgau» жобасының баспасөз қызметі