Шырайлы Шымкент қаласына 2023 жылдың тоғыз айында келушілердің саны 340 413 адамды құрап, 2022 жылдың сәйкес кезеңімен салыстырғанда (311 895 адам) 109,1%-ды құрады.
Оның ішінде:
• ішкі туризм бойынша келушілер саны 319 576 адам, өткен жылмен салыстырғанда (286 765 адам) 111,1%-ға артып отыр.
• кіру туризмі бойынша келушілер саны 20 837 адам, өткен жылдың сәйкес кезеңімен салыстырғанда (25 130 адам) 83 %-ды құрайды.
Төсек-орын (бір жолғы сыйымдылық) саны – 6 025 бірлікті құрап, 2022 жылмен салыстырғанда (5 552 бірлік) 108%-ға артып отыр.
Үшінші мегаполи республикалық көрсеткішктерге сәйкес, қалаға келген туристер саны бойынша төртінші орында тұр. Нақты сандарды сөйлететін болсақ:
• резиденттер, яғни Қазақстан республикасының азаматтары бойынша 4 орын;
• резиденттер еместер, яғни шет ел азаматтары бойынша 6 орынға жайғасқан.
Бүгінгі күні Шымкент қаласында 144 орналастыру орны, 10 саябақ, 7 музей, 25 әлеуметтік-мәдени нысан, 12 сакралды нысан, 11 сауда, ойын-сауық орталығы, 18 аквапарк қала және оның қонақтарына қызмет етіп тұр. Аталған нысандардың барлығы дерлік қалаға келетін туристерге жоғары деңгейде сервистік қызмет көрсетеді.
Туризм саласындағы ең маңызды құрылымның бірі- туристік инфрақұрылымды дамыту ісі екені белгілі. Бұл ретте, туристік орындардың инфрақұрылымын жетілдіру мақсатында Шымкенттегі Қаратау ауданы әкімдігімен бірлесе Сайрам тұрғын алабында орналасқан «Ибрагим ата» және «Қарашаш ана» кесенелерінің аумағын абаттандыру бойынша жыл сайынғы түгендеу жұмыстары жүргізілді.
Аталған жұмыстар қала аумағындағы барлық туристік нысандарында да атқарылады. Аталмыш жоба мен анықталған кемшіліктерге сәйкес, кесенелердің, саябақтардың, туристік нысандардың аумағында келуші туристерге қолайлы жағдай жасау, атап айтқанда кіре беріс, көлік тұрағы мен дәрет алу орындарын ретке келтіру, жан-жағын көгалдандыру, бастырмасы бар орындықтар қою бойынша ұсыныстар тиісті басқармаларға жолданды. Мұндай шаралар жыл сайын 4–6 рет ұйымдастырылып отырады.
20-12-2023, 17:08
Шымкент қаласының туризм, сыртқы байланыстар және креативті индустрия басқармасы: шаһардың туристік әлеуеті арта түседі
Фото: pixabay.com
Егер мәтінде қате байқасаңыз, оны таңдап, Ctrl+Enter пернелерін басыңыз