2022 жылдың үшінші тоқсанында жұмыссыздар саны 450,3 мың адамды құрады, бұл 2021 жылдың сәйкес кезеңімен салыстырғанда 0,1% аз. ҚР-дағы жұмыссыздар саны екінші жыл қатарынан азайып келеді, ал 2019 жылдың үшінші тоқсанымен салыстырғанда бұл көрсеткіш әлі де 1,9% жоғары, деп хабарлайды energyprom.kz-ке сілтеме жасаған kazlenta.kz
ҚР-дағы жұмыссыздық деңгейі бір жылда өзгерген жоқ, 2022 жылдың үшінші тоқсанында 4,9%-ды құрады, ал 2020 жылдың сәйкес кезеңінде бұл көрсеткіш 5%-ға, 2019 жылдың үшінші тоқсанында — 4,8%-ға жетті.
Өңірлер бойынша 2022 жылдың үшінші тоқсанында жұмыссыздықтың ең жоғары деңгейі Түркістан және Маңғыстау облыстарында байқалды: әрқайсында 5,3%. ҚР бойынша орташа деңгейден жоғары жұмыссыздық деңгейі Алматы және Шымкент қалаларында, сондай-ақ Қызылорда және Батыс Қазақстан облыстарында да болды: әрқайсында 5%.
ҚР өңірлері арасында жұмыссыздықтың ең төменгі деңгейі Ұлытау облысында байқалды: 4,1%. Одан кейінгі орында Қарағанды облысы (4,3%) және Астана (4,5%).
ҚР қалаларындағы жұмыссыздық деңгейі ауылдарға қарағанда жоғары: тиісінше 4,8% және 4,9%. Бұл ретте өткен жылмен салыстырғанда қалаларда жұмыссыздық деңгейі төмендесе, ауылдарда керісінше өскен.
Қаладағы жұмыссыздар саны бір жылда 0,7% азайып, 271,2 мың адамға, ал ауылдық жерлерде 0,8% өсіп, 179,1 мың адамға жетті.
Гендерлік жағынан әйелдер жұмыссыздық деңгейі ерлерге қарағанда айтарлықтай жоғары: 5,7% және 4,1%. Бұл 2012 жылдан бергі ең үлкен алшақтық. Бір жыл бұрын әйелдер арасындағы жұмыссыздық деңгейі 5,5% болса, ерлер арасындағы жұмыссыздық деңгейі 4,3% болды.
Қазақстанда жұмыссыз әйелдердің саны бір жылда 4,3% өсіп, 2022 жылдың үшінші тоқсанында 257,4 мың адамға жетті, ал жұмыссыз ерлер саны 5,5% азайып, 192,9 мың адамға жетті.