Шетелдік қонақтар Қазақстан астанасына өздерінің кумирі Димаш Құдайбергеннің концертіне ұшып келді, деп хабарлайды kazlenta.kz тілшісі Астана әкімдігінің ресми сайтына сілтеме жасап.
Кубалық қонақ Нилс Суарез Астанаға алғаш рет келген.
Димаштың концертіне Астанаға АҚШ-тан ұшып келген Джиджи Уильямс Қазақстанда алғаш рет өтіп жатқан 5-ші Дүниежүзілік көшпенділер ойындарына қызығушылық танытты.
АҚШ-тан келген тағы бір шетелдік қонақ Джоанна Пэпэндру Астанада алғаш рет болғанмен, бұл оның Қазақстанға жасаған алғашқы сапары емес екен. Бұған дейін ол Димаштың Алматыда өткен концертіне қатысыпты. Оның айтуынша, Астана оны тазалығымен, ашықтығымен және кеңдігімен таң қалдырған.
Джоанна бес жылдан бері Димаштың жанкүйері екен. Ол әншінің қазақ тіліндегі көптеген әндері сүйіп тыңдайтынын айтады.
Естеріңізге сала кетейік, Астанада 8-13 қыркүйек аралығында 5-ші Дүниежүзілік көшпенділер ойындары өтті, оған әлемнің 89 елінен 2500-ден астам спортшы қатысты.2024 жылғы 14 қыркүйекте Астанада 4 Этноауылда: «Қазақ елі» монументінің аумағы, «Ататүрік» саябағы, «Бәйтерек» монументі және Орталық саябақ концерттік бағдарламалар ұйымдастырылады. Концерттік бағдарламалар сағат 18:00-ден 20:00-ге дейін өтеді.Концерттік бағдарламаға Мәдениет басқармасының ведомстволық бағынысты мекемелерінің шығармашылық ұжымдары мен солистері, сондай-ақ белгілі өнер қайраткерлері мен отандық эстрада жұлдыздары қатысады.