Астанада жылдың соңына дейін 4 мыңға жуық үлескер отбасы көптен күткен пәтерлеріне кіреді. Бұл туралы қала әкімі Жеңіс Қасымбек мәлімдеді, деп хабарлайды kazlenta.kz тілшісі Sputnik Қазақстан сайтына сілтеме жасап.
Әкімнің айтуынша, биыл "Нұрлы жер" бағдарламасы аясында салынған барлық проблемалық тұрғын үй пайдалануға беріледі. Ондай нысандардың қатарында 32 көппәтерлі тұрғын үй бар.
"Ол, шамамен, 4 мың үлескер. Жоспар бойынша жарты жылдың ішінде барлығы пәтердің кілтін алады", - деді Қасымбек орталық коммуникациялар қызметінде өткен брифингте.
Осы орайда қала басшысы әкімдіктің ресми сайтында үлескерлердің қаражатын қабылдауға құқығы жоқ құрылыс салушылардың "қара тізімі" үнемі жарияланып тұратынын еске салды. Заң бойынша үлескерлердің ақшасын тарту үшін тұрғын үй құрылысының бірыңғай операторынан кепілдік алу керек. Бұдан бөлек, тұрғын үйдің қаңқасын тұрғызғаннан кейін ғана үлескерлердің ақшасын тартуға болады."Биыл қаңтар айынан бастап инженерлік желілер болмаса, құрылысқа рұқсат берілмейді. Ал қандай да бір компания техникалық шарттар бойынша қажетті құжаттарсыз құрылыс жұмыстарын бастаған жағдайда барлық жұмыс бірден тоқтатылады. Компания "қара тізімге" енгізіледі", - деп атап көрсетті Қасымбек.
скачать dle 11.1смотреть фильмы бесплатно
